النظره الشرعيه

مــدخل..
ابغي اعرف وش شعورك لو نجيلك خاطبين
....... طالبين القرب منّك يا منى القلب وهله
وابغي اعرف وش جوابك لو يجونك سائلين
....... جالك البارح (عريس) نرفضه أو نقبله؟
وابغي اعرف لا طبعنا كرتنا وش تأمرين؟
....... أكتبه كلّه قصايد والا اكتب أمثله
وان بدا الحفل افترضنا وين ودّك تجلسين؟
....... فوق رمش العين والا في مكان(ن) أجهله؟
وان لفن امّي وأمّك وطلبن منّك تجين
....... تمسكين بإيد رجلك وسط زحمه مذهله!
ما أضنّك تقبلين وما أضنّك ترفضين
....... (بس) قولي كيف وضعك قبل أخر مرحله ؟

* * *

مســــــــائكم / صبـــاحكم ...ســــــــــــكر

النظره الشرعيه حق لكل شاب وفتاه مقبلين على الزواج والكل يعرف أنها جائزه شرعا ووصى الرسول علية

الصلاه السلام أصحابه بهآ روى مسلم في صحيحه عَنْ أَبِي هُرَيْرَةَ – رضي الله عنه - قَالَ : كُنْتُ عِنْدَ النَّبِيِّ

صَلَّى اللَّه عَلَيْهِ وَسَلَّمَ ، فَأَتَاهُ رَجُلٌ فَأَخْبَرَهُ أَنَّهُ تَزَوَّجَ امْرَأَةً مِنَ الْأَنْصَارِ ، فَقَالَ لَهُ رَسُولُ اللَّهِ صَلَّى اللَّه عَلَيْهِ

وَسَلَّمَ : ( أَنَظَرْتَ إِلَيْهَا ، قَالَ : لَا قَالَ ، فَاذْهَبْ فَانْظُرْ إِلَيْهَا فَإِنَّ فِي أَعْيُنِ الْأَنْصَارِ شَيْئًا )

لما فيها من الحكم الكثيره وعشان كل واحد يشوف الثاني يعني النظره مو مقتصره بس على الشاب لآن البت بعد

يهمها تشوف الرجل اللي راح يكون شريكـ حياتها يمكن أهي بعد مايعجبهآ..

أما الشاب اذا عجبته قال أتفقنا .. واذا ما عجبته قال مافي نصيب ..

بس للأسف بعض العادات والتقاليد ترفض النظره الشرعيه مع أنهآ في دينهم ويعتبرونهاآ عيب ويدخلون فيها

الشرف والعرض و..و.. يعني أناآ أشوف أن النظره مهمه لنجاح الزواج بعد توفيق الله طبعآ مو اذا تزوجو

كل واحد ينصدم في الثاني ..


* هل تؤيد/ ين العادات والتقاليد التي ترفض النظره الشرعيه ؟

* اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟


دمتم في حفظ الرحمن ..