المرآجل ░░▒▓████►

إذا المراجل لبسة شماغ وعقال
قل للعذارى يلبسنّ العمايم

ما عاد يفرق زول حرمه ورجال
دام الفعايل تشبه البعض دايم
المرجله ما هيب كلمه وتنقال
وتروح ما راحت هبوب النسايم
وإلا خشونة صوت أو رفع الأثقال
أو رزة صدور وفعل الزلايم
ولا هي بعد مفتاح موتر وجوال
وإلا ردى لسانن حديثه شتايم
المرجله شيمه عن القيل والقال
رفيع نفس (ن ) حر بالجو حايم
المرجله عقلٍ وزن وزنه جبال
ودون العقل وش فرقنا والبهايم
يا مسندي لو مايل الوقت بي مال
يا ولدابوي ويا عظيم العزايم
يا معرب الجدين من العم والخال
يا نخوة المفزوع وقت الهزايم
المرجله يا خوي هي طولة البال
هي العزم هي الصبر بالظلايم
فيها الكرم عزه دله وفنجال
فيها الكرامه عن ردى الطبع شايم
والدين لامنه خذا القلب منزال
مشى طريق الحق وابليس نايم
ومن لا عرف ربه في طيب الحال
لابد وقت الضيق بالهم هايم
حتى صلاتك مع جماعات ورجال
في خيرها يا خوي نعم الغنايم
ولامن نصف ليلك قم صفي البال
يا عظم أجرك بين ساجد وقايم
ولا من رفع ربي له كل الأعمال
حسن الذكر لا قالو فلان صايم
وخلك شريف القصد يا طيب الفال
سوء المقاصد فالبيوت الهدايم
واحذر تبيع النفس في درب الأنذال
وتتبع خوي إبليس راع النمايم
النفس خيل لك إذا كنت خيّال
ومن لا قوى نفسه قوته الهزايم
ولا صرت ما تدري لو يش أنت رجال
والله خسارة فيك ذبح التمايم
تحياتي
موتي ولا دمعة امي

[size=18]سلمت يداك بما طرحتة لنا

ووفقت باختيارك للموضوع ...
اللة يعطيك العافية ... تقبل مروري.[/size]

مرورك اسعدني غاليتي

الله لايحرمنا من مرورك للمواضيع

[ندعوك للتسجيل في المنتدى أو التعريف بنفسك لمعاينة هذه الصورة]

كلآمـآت رآئعه جداً
تحمل في طياتهـآ ..
حروف رائعه.. متميزه ..
أعجبني حديثك ورآق لي طرحك ..
أسطر منوعه تحمل في طياتهـآ عنوان التميز
شرف لي تواجدي في صفحتكـ ..
وننتظر جديدكـ ..
لك أرق الحيآآ

[ندعوك للتسجيل في المنتدى أو التعريف بنفسك لمعاينة هذه الصورة]

كلمات في قمة الروعة

يعطيك الف عافية